E ndërsa mbrëmjen e djeshme e gjithë bota u trondit pas sulmeve të rënda të njëpasnjëshme në kryeqytetin e Francës, ka edhe persona që ishin me të vërtetë me fat, si ky person që shikoni në fotografi.
Ai pretendon se është pikërisht aparati i tij celular ai që i ka shpëtuar jetën. Sipas personit në foto, i cili është identifikuar me emrin Sylvestre, celulari i ka shpëtuar kokën, e cila mund të kishte shpërthyer nëse aparati që ai mban në dorë, nuk do të ishte përballuar me plumbin që vinte drejt tij.
“Celulari ishte ai që u godit dhe që më shpëtoi jetën”,- thotë Sylvestre, i cili u filmua pas sulmeve me celularin e tij në dorë. Sylvestre ka marrë edhe një plumb tjetër në pjesën e këmbës dhe fatmirësisht ndodhet jashtë rrezikut për jetën./tesheshi.com/
