Një deklaratë e ashpër ka ardhur nga opozita e regjimit iranian, që prej vitesh ndodhet me qendër në Paris ku është dhe në ekzil.
Maryam Rajavi, Presidentja e Këshillit Kombëtar të Rezistencës të Iranit, ka akuzuar qeverinë e Teheranit se është “padrinoja e DAESH-ISIS. Në një deklaratë të shpërndarë dhe të cituar nga mediat botërore, Rajavi ka dënuar masakrën ndaj njerëzve të pafajshëm në Paris, duke e përshkruar atë si terrorizëm të egër dhe një krim kundër njerëzimit.
Ajo shtoi se koshienca njerëzore është në një gjendje shock-u dhe është e pabesueshme se krime të tilla po bëhen në emër të Zotit dhe të fesë.
Dhe, pasi ka akuzuar si “regjim” qeverinë aktuale iraniane, kreu i Muxhehedinëve të Popullit, tha se “iranianët kanë përjetuar krime të tilla dhe i kuptojne francezët, njerëzit dhe ndjenjat e tyre në këto momente të vështira.
Znj. Rajavi thekson në deklaratën e saj se krimet e tyre ç’njerëzore nuk kanë të bëjnë me fenë islame, dhe se ky fenomen është armik i paqes dhe njerëzimit.
Këshilli kombëtar i Rezistencës së Iranit, është një koalicion i gjerë i organizatave demokratike iraniane. Është themeluar në vitin 1981 në Teheran, Iran, me iniciativën e Massoud Rajavi, lideri i Rezistencës Iraniane. /tesheshi.com/
