Mandy Allwood është 50 vjeçe dhe është e njohur edhe me emrin “Octomum”. Në vitin 1996, kur ishte vetëm 31vjeç, ajo solli në jetë 8 fëmijë binjakë, mes së cilëve 6 meshkuj e dy femra. Të vegjlit lindën në javën e 24 të shtatzënisë, por për fat të keq asnjë prej tyre nuk arriti të mbijetonte dhe brenda tre ditësh, të gjithë ndërruan jetë.
Brenda pak kohe, një moment i tillë i gëzueshëm i sjelljes në jetë të fëmijëve, u shndërrua në një makth të vërtetë. Në vitet pasardhëse, Mandy ra në depresion dhe tentoi disa herë të vriste veten, por nuk ia arriti e megjithatë, përsëri nuk e ka harruar tragjedinë që i ka ndodhur.
Ajo vuan nga shtatzënia fantazmë, çka e bën Mandyn të ndiejë ende shqelmat e të vegjëlve në mitër. “Nuk do të mund t’i harroj kri. Kanë ngelur në mendjen time. Që prej lindjes vjoj t’i ndjej lëvizjet e tyre në barkun tim. Është një dhimbje që nuk ka fund”, – sqaron gruaja
Këtë 30 shtator do të jetë 19 vjetori i ndarjes nga jeta të 8 binjakëve dhe si çdo vit, Mandy do të shkojë në varrezat e West Norwood në Londër, për të lënë lule në varrin e tyre. Si të mos mjaftonte, pas dramës gruaja është ndarë edhe nga bashkëshorti i saj, Paul Hudson, me të cilin kishte ngjizur edhe 8 binjakët gjatë një trajtimi pjellorie.
Mjekët e kishin paralajmëruar për efekte të ngjashme të kurës, por gruaja ka dashur të vijojë shtatzëninë, kundër çdo pëlqimi të specialistëve. Disa ditë për të kanë qenë me të vërtetë të tmerrshme pasi nuk fliste me asnjë dhe ishte tërësisht e tronditur. Në të ardhmen shpreson të gjejë forcën për të ecur përpara dhe për t’u treguar të gjithëve se humbja e fëmijëve është një humbje tejet e madhe, por se gjithçka duhet kaluar në jetë./tesheshi.com/
