Kritiku më i zëshëm i Vladimir Putinit dhe aktivistit Alexei Navalny u paraqit në gjykatë për herë të parë pas përfundimit të grevës së urisë.
Dukshëm i rraskapitur, me një kokë të rruar, si një skelet i mërzitu, siç vuri në dukje ai vetë, 44-vjeçari Navalny, i cili po vuan një dënim me dy vjet e gjysmë burg për shkeljen e një dënimi me kusht bazuar në një veredikt të mëparshëm, për të cilin ai dhe Gjykata Evropiane e të Drejtave të Njeriut pretendojnë se ajo ishte e motivuar politikisht, ai iu drejtua Gjykatës, shkruan The Guardian.
“Unë dua të të them, gjykatësi im i dashur, se mbreti yt është lakuriq,” i tha Navalny gjykatës përmes lidhjes video.
“Ne kemi shpenzuar miliarda rubla dhe vendi ynë është ende duke u zhytur në varfëri. Nuk është për t’u habitur, ekonomistët shkruajnë letra dhe thonë se vitet e fundit mund të quhen një dekadë e humbur. Njëzet vjet sundim të paaftë kanë çuar në rezultatin e mëposhtëm: një kurorë që i bie nga koka (Putin) dhe një gënjeshtër në televizion“, vazhdoi Navalny.
“Juliasha, nëse mund të më dëgjoni, çohuni për një sekondë, do t’ju shikoj. Oh, ju keni një maskë. Ata më çuan dje në spa (sauna ruse) për t’u dukur më mirë sot. Ata më lejuan të bëj një banjë. Shikova veten – unë jam një skelet. Jam në një gjendje të tmerrshme, sikur të jem në klasën e shtatë. Nëse heq rrobat, dukem edhe më keq. Dje hëngra katër lugë qull, sot do të ha të njëjtën sasi, nesër do të ha gjashtë lugë gjelle qull. Unë jam duke pritur ditën kur do të ha 10 lugë gjelle qull, do të jetë një përmirësim i madh,” tha Navalny për gjendjen e tij pas 24 ditësh grevë urie.
Navalny tha në një deklaratë se ai do të vazhdojë të kërkojë të vizitohet nga mjekë që nuk vijnë nga sistemi i burgjeve ruse për ta ndihmuar atë për humbjen e ndjeshmërisë në duar dhe këmbë. /tesheshi.com/
