Bashkësia muslimane në Teksas, në SHBA, ka ngritur shqetësime mbi një dëgjesë publike që propozoi një projektligj për të bërë të pavlefshëm zbatimin e ligjeve të huaja në gjykatat e shtetit, duke argumentuar se “ligji kundër së huajës” do të nxisë islamofobinë.
I quajtur “Ligje amerikane për gjykata amerikane”, projektligji i propozuar nga politikani republikan Jeff Leach kërkon të ndalojë përdorimin e ligjeve të huaja në çështjet civile dhe të kodifikojë autoritetin suprem të ligjit amerikan.
Ndonëse projektligji nuk i referohet posaçërisht një feje, shumë besojnë se ai është një reagim ndaj një “Tribunali Islam” vullnetar që vepron në Teksas me qëllimin e zgjidhjes së mosmarrëveshjeve civile të muslimanëve në çështjet familjare dhe tregtare në një mënyrë jo të detyrueshme.
Alia Salem, drejtuesja e degës së Teksasit të Veriut të Këshillit për Marrëdhëniet Amerikano-Islame, shprehet se paraqitja e projektligjeve të tilla është një mënyrë që politikanët të “fitojnë besueshmëri” dhe të bëhen “një lloj heroi që mbron axhendën kristiane ndaj depërtimit të muslimanëve në shoqërinë amerikane”.
Salem tha se synimi kryesor i paraqitjes së projektligjit është margjinalizimi i bashkësisë muslimane dhe kufizimi i të drejtave të muslimanëve.
(tesheshi.com)
