Të shumta janë fushatat të cilat lobojnë për ndalimin e konsumimit të duhanit dhe promovojnë efektet e tij në gative, në mënyrë që të sensibilizojnë qytetarët.
Në Australi, ku paketimi në mënyrë të frikshme i cigareve dha një efekt mjaft të dëshirueshëm, qeveria ka hedhur një ide të re, në të cilën nënvizon këtë herë se cilat janë përfitimet e shumta të organizmit tonë në momentin që ndalojmë së konsumuari duhanin.
Bëhet fjalë për të ndaluar qoftë edhe vetëm 8 orë lidhjen me duhanin dhe në mënyrë të menjëhershme mund të vihen re përfitimet, disa nga të cilat po i rendisim më poshtë.
Për 12 orë, një pjesë e madhe e nikotinës del jashtë organizmit
Për 24 orë, niveli i monoksidit të karbonit zbret ndjeshëm dhe rritet niveli i oksigjenit.
Për 5 ditë, e gjithë nikotina eliminohet nga trupi.
Për një javë fitohet një kënaqësi e madhe, e cila ka të bëjë me nuhatjen. Ajo normalizohet dhe ju mund të ndieni më mirë çdo aromë.
Pas një muaji, presioni i gjakut kthehet në nivele normale dhe sistemi imunitar nis të tregojë parametra të rregullta.
Pas 6 javësh, rreziku për tu prekur nga infeksionet pas një operacioni apo në rast se çaheni apo plagoseni, reduktohet.
Për dy muaj normalizohen mushkëritë dhe funksionojnë normalisht./tesheshi.com/
