Ministri Amerikan i Mbrojtjes Ashton Karter i bëri thirrje presidentit sirian Bashar al-Esedit që të japë dorëheqjen. Ai sqaroi gjatë seancës dëgjimore para Komitetit të forcave të Armatosura në Dhomën e Përfaqësuesve të Senatit, se regjimi sirian ka pësuar regres të dukshëm dhe ka humbur shumë prej burimeve të saj.
Karter tha: “Ne duam të shohim një tranzicion të pushtetit në Siri, në të cilin Esedi nuk është më i pranishëm në të.”
Ai tha se rënia e regjimit të Esedit “është e mundur për shkak se forcat e tij janë dobësuar në një masë të madhe” dhe kanë pësuar “humbje të mëdha”, duke theksuar se forcat e regjimit po mbeten gjithnjë e më të izoluara në kryeqytetin Damask dhe në zonat me shumicë Alevite në rajonin veriperëndimor të vendit. Duke aluduar kështu për zonat bregdetare, në të cilat dominon komuniteti që i përket Beshar Esedi.
Ai beson se tërheqja e Esedit nga skena politike do të jetë më mirë për popullin sirian duke pasuar me formimin e një qeverie të re të Sirisë e cila bazohet në një “opozitë të moderuar”.
Në lidhje me influencën Iraniane në rajon –me në krye Sirinë- Karter e ka përshkruar si “të dëmshme” dhe tha se kjo e fundit bashkë me ISIS përbëjnë sfidën më të madhe për strategjinë amerikane në rajon.
Ai vuri në dukje se vendi tij ka rreth 35 mijë trupa rezerviste në Lindjen e Mesme, në mënyrë që të mbrohen “aleatët tanë si Izraeli dhe partnerët tanë të Gjirit.” /tesheshi.com/
