Milani ka shkarkuar zyrtarisht trajnerin Vicenzo Montella. Mëngjesin e së hënës, drejtuesit e klubit kanë vendosur të mos i japin afate të tjera trajnerit, e t’i njoftojnë atij ndërprerjen e mardhënies me klubin. Në vendin e Montellas do të ulet një ish-milanist, Genaro Gatuso, i cili drejton skuadrën e të rinjve kuq e zi.
Pas vendimit të klubit, Montella nuk e ka bërë “të madhe”, ndërprerjen e kontratës, duke deklaruar se në futboll këto gjëra ndodhin. Por tashmë ish-trajneri, nuk pranon ndonjë gabim gjatë drejtimit të Milanit. Sipas tij, skuadra po përmirësohej nga java në javë dhe skuadra e ndiqte me vëmendje.
Montella i ka uruar fat Gatusos, duke u shprehur se Rino (shkurtim i Genarino, sic thirrej Gatuso nga miqtë), do t’i japë vrull të ri skuadrës.
Drejtuesit e Milanit e morën vendimin, pikërisht për të ndryshuar frymën në skuadër, e cila në fillim të sezonit u nis për pretendente për kampion, por aktualisht rrezikon të arrijë dhe objektivin minimal, kualifikimin për në Europa League. /tesheshi.com/
