Një ditë pasi ambasadorja Yuri Kim përcolli verdiktin amerikan për një 25 prill të përfunduar, me fitues e humbës, duke kërkuar që dhe opozita të pranonte humbjen, presidenti Meta shkon në të kundërt të mesazhit amerikan.
Në një mesazh të fundit, ai shkruan:
“Çdokush, që mbështet teorinë e faktit të kryer, duke shpërqëndruar vëmendjen nga proceset ankimore dhe hetimore penale në proces, është bashkëfajtor në cenimin e klimës së besimit ndërmjet palëve, në cenimin e standardeve të këtij procesi zgjedhor, para, gjatë dhe aktualisht!”
Eshtë ky fundi i një mesazhi të publikuar në FB këtë të mërkurë, ku sipas kreut të shtetit, të bërë palë politike prej kohësh, siç në fushatë, zgjedhjet nuk ishin të rregullta. Sipas tij, “asgjë nuk ka përfunduar!”.
“Kodi Zgjedhor, në nenin 167 të tij, e përcakton shumë qartë se KQZ shpall rezultatin përfundimtar të zgjedhjeve, vetëm pasi të kenë përfunduar procedurat e ankimit, sipas këtij Kodi”, shkruan Meta. /tesheshi.com/
