Presidenti Ilir Meta dhe ministri teknik i Brendshëm, Dritan Demiraj, kanë zhvilluar një takim në Presidencë, që ka zgjetur rreth 40 minuta.
Ndoshta situata e krijuar në vend gjatë javëve të fundit në lidhje me zjarret ka qenë një nga temat e bisedës mes Kreut të Shtetit dhe ministrit të Brendshëm.
Por nuk përjashtohet mundësia që në takimin Meta-Demiraj të jetë diskutuar edhe mbi të ashtëquajturën lista me 124 emrat e kultivuesve dhe trafikatëve të lëndëve narkotike, e cila është pohuar nga Kryeministri Edi Rama, por edhe nga ministri i Brendshëm.
Pas këtyre pohimeve, LSI ka kërkuar informacion nëse lista me 124 emra është depozituar apo jo në organin e Prokurorisë, duke kërkuar edhe nisjen e hetimeve kryesisht mbi këtë çështje.
Një ditë më parë, Dritan Demiraj e cilësoi situatën e zjarrëvënies si cënim të sigurisë kombëtare, ndërsa u shfaq në Elbasan duke shuar flakët bashkët me forcat zjarrfikëse, të ushtrisë dhe emergjencave civile.
Në anën tjetër LSI ka kërkuar përmes Kryetarit të Grupit Parlamentar, Petrit Vasili, shpalljen e gjendjes së jashtëzakonshme. LSI i ka drejtuar një apel Kryeministrit që të heqë dorë nga dëgjesat publike dhe të marrë masat për situatën e krijuar nga zjarret. /tesheshi.com/
