Berisha: Meta të largohet që të zhvillohen hetimet. Meta: Një herë u largova për Shkëlzen Berishën. Nuk mund ta bëj dy herë
Rifillojnë punimet e Kuvendit sërish me tension dhe me opozitën para foltores, duke sjellë një përplasje të egër ndërmjet ish-kryeministrit Sali Berisha dhe kryetarit të Kuvendit Ilir Meta. Ka rifilluar seanca por ende deputetët e PD-së qëndrojnë para foltores.
Kryetari i grupit parlamentar të PS-së, Gramoz Ruçi deklaroi se “ Kënaqësi që ky parlament po ushtron detyrën e interpelancës dhe mekanizmat e tjera. Ky gëzim u venit ndaj u kërkoj opozitrës të ushtrojnë interpelancën urgjente që kanë kërkuar. Të dëgjojnë Kryeministrin dhe së dyti, megjithëse ka pasur precedent ndaj ish kryetares dhe atëherë kemi bërë goxha debate, j ku jemi sot dhe kryetari e ka vlerësuar dhe ka aktivizuar kërkesën e PD. Këshilli i legjislacionit drejtohet nga përfaqësues i opozitës. Materiali është në dorën e anëtarëve të këtij këshilli. Ne si mazhorancë jemi dakord që kjo çështje të përfshihet sot, nëse është e nevojshme të rimblidhet këshilli legjislacionit dhe të futemi në process votimi. Më shumë se kaq, pra për të përdorur instrumentet parlamentare me transparencë nuk ka. Jemi përpara opinionit ndërkombëtar që sapo kanë braktisur punimet”.
Më pas e ka marrë fjalën ish-kryeministri Sali Berisha i cili tha: “Parlamenti ngjet si një teatër dramatik krimi dal vivo. Nuk flitet gjë tjetër. Me ndërhyrjen e PD u vendos për dekriminalizimin, kjo marrëveshje nëse ekziston vullnet politik mund të shoqërohet në levën e Arkimedit për të nxjerrë politikën shqiptare nga spiraled e krimit. Kjo marrëveshje, nëse bllokohet do të kthejë një përballje që Shqipëria nuk e ka parë asnjëherë. Ka një akuzë që e kam denoncuar disa herë. Unë kam pasur përplasje me Tom Doshin por jam njeri i ligjit dhe kërkoj që të zbatohet vetëm ligji. Tre muaj më parë, njerëzit që thirri Ilir Meta për të më faturuar mua vrasjen, Paulin Sterkaj po përdoret më keq se Toma por kujdes se do ta pësosh(I drejtohet deputetit të PS).
Ndërhyn Meta dhe i thotë mos kërcëno deputetët, po vazhdo se se e nise si lider demokracie por po e mbyll si aksioner pularie.
Ish-Kryeministri Berisha, vazhdoi duke thënë se më akuzuan mua, pas asnjë logjikë njerëzore vetëm të kapet pas një fije bari. Në këtë moment kritik për vendin duhet ti japim shans hetimit dhe është në interesin e të gjitha forcave të vendit që ti japim ligjit, mundësinë të zbatohet. Ky është kushti më minimal që kërkohet në intëresin më të mirë të çdo shqiptari. Që kjo të ndodhë, kusht sine qua non, Ilir Meta si i akuzuari kryesor për një akuzë që nuk është dëgjuar 25 vite me radhë, të heqë dorë nga kryetari i parlamentit, të zbresë si deputet i thjeshtë dhe të lërë të bëhen hetimet. Kjo është rruga më paqësore.
Kryeparlamentari Ilir Meta, duke u përgjigjur, deklaroi: Unë për ty bëj çdo sakrificë, për Shkëlzen Berishën e kam dhënë një herë dorëheqjen, por nuk mund ta jap dy herë. Mos u bëj aksioner i pularisë. Ti je i vetmi që beson më shumë te Toma se te prokuroria. Ti je i vetmi që beson se i akuzuari beson më shumë te Toma se sa te Prokuroria”.
