Ylli argjentinas ka qenë i drejtpërdrejtë në një intervistë të fundit, duke u shprehur se shpreson që Atletiko e Madridit të fitojë ndaj rivalëve të Realit në finalen e Champions League-s.
“Eshtë e qartë se njerëzit në Barcelonë nuk duan që Reali të fitojë diçka. Do të qe kënaqësi ta shihnin Atletikon të fitonte Champions League-n,” i është përgjigjur ai interesimit të ESPN-së.
Barcelona qe në kërkim të një sezoni tjetër me të tre trofetë kryesorë të fituar, por eliminimi në çerekfinalet e Champions League-s e ndërpreu vijimësinë e saj të jashtëzakonshme.
Megjithatë, Messi nuk duket të ketë ndjesi negative ndaj Atletikos.
“Eshtë e madhe ajo çfarë ka bërë Atletiko e Madridit; nuk është e lehtë t’i mundësh ata. Janë një ekip shumë i fortë.”
Ai e përshkruan eliminimin në aktivitetin europian si një goditje për ekipin katalanas. “Eliminimi në Champions League ishte një goditje e madhe.”
Messi ka folur dhe për ndeshjet e mbetura sezonale në futbollin spanjoll, duke dëshiruar t’i fitojë si kampionatin dhe Kupën e Mbretit, dy objektiva krejt të arritshëm.
“Do të qe fantastike nëse e përfundonim sezonin duke e fituar titullin e Ligës dhe Kupën e Mbretit. E kuptojmë se nuk do të jetë e lehtë. E kemi ende gjithçka në dorën tonë.” /tesheshi.com/
