“Mos më kërkoni më çfarë do të bëj në fund të sezonit”. Kështu ka deklaruar portieri legjendë i Italisë, Xhixhi Bufon, që ka preferuar të mos e zbulojë të ardhmen, pasi të lërë futbollin.
Por pavarësisht kësaj, çdokush do ta ketë pranë rekordmenin e portës italiane, pasi Xhixhi është një personazh që përhap mirësi e mbështet të rinjtë e këdo që ka nevojë për të. Në njëfarë mënyre, për Bufon ka filluar një “merkato” edhe pasi të lërë futbollin.
I pari që ka filluar “ankandin” ka qenë presidenti i Federatës Italiane të Futbollit, Tavekio, i cili e do në stafin e tij të ngushtë. Po kështu vetë Juventusi e sheh si drejtues në klub, për reputacionin e shkëlqyer që 39 vjecari ka, jo vetëm në Torino, për edhe në Itali e kudo në botë.
Nga ana tjetër, edhe në Shtetet e Bashkuara të Amerikës “vdesin” për portierin italian. Federata e atjeshme, i kërkon të bëjë edhe një sforco për të timenduar tërheqjen nga sporti, pasi e dëshirojnë si imazh e si sportist, në kampionatin e tyre MLS. Mirë si portier që e dëshiroi cdo skuadër e botës, por Xhixhi Bufon, “i ka lënë vend vetes” që të jetë dëshira e shumë klubeve e federatave, edhe kur të lërë sportin. /tesheshi.com/
