Ylli i Manchester City-t, Erling Haaland është nën hetim policor pasi dyshohet se ka përdorur celular gjatë ecjes me makinë, pra duke qenë në timon, raportuan mediat britanike të mërkurën.
The Sun ka publikuar një foto ku shfaqet Haaland me një telefon në dorë teksa qëndron në timonin e një makine.
Ngjarja thuhet se ka ndodhur më 15 mars, pranë stadiumit të Manchester City.
Policia e Manchester-it tha se po hetonte rastin.
“Mund të konfirmojmë se policia ka dijeni për foton dhe është duke hetuar rastin”, thuhet në deklaratë.
Haaland, sulmuesi 22-vjeçar norvegjez, mund të gjobitet me 200 paund dhe heqjen e gjashtë pikëve në patent nëse shpallet fajtor.
Haaland deri më tani ka shënuar 42 gola në 37 paraqitje për Manchester City-n. /tesheshi.com/
