Kryeministri Edi Rama ka reaguar pas vendimit të Gjykatës së Lartë për të mos pranuar rekursin e Prokurorisë së Përgjithshme për të dënuar me 23 vjet burgim Ndrea Prendin dhe 25 vjet Agim Llupon për vrasjet e 21 janarit 2011.
Me anë të një postimi në Facebook, ai shkruan se “21 janari” u mohua pas një zvarritjeje kriminale.
“Xhelal Mziu i pafajshëm dje pas një farse të neveritshme , 21 janari i mohuar sot pas një zvarritjeje kriminale; ja pse s’duan reformë në drejtësi. Ja pse bërtasin përditë e më fort “krimi krimi!” dhe u vete mendja deri tek armët, i tmerron drejtësia që vetëm Refoma në Drejtësi e sjell”, shkruan Rama.
Sakaq, xhaxhai i një prej viktimave, Aleks Nikës, avokat Mark Nika, ka qenë po ashtu i ashpër në reagimin e tij, duke i thënë Top Channel-it se çështjen do e çojë në Strasburg. /tesheshi.com/
