Mattarella, mesazh myslimanëve: Do t’i themi “Jo” diskriminimit dhe islamofobisë

Presidenti i Italisë, Sergio Matarella, i cili vjen nga Siçilia, një tokë ku besimi Islam ka rrënjët e veta shekullore, ka dhënë një mesazh të rëndësishëm ndaj myslimanëve italianë, një mesazh që ka konotacion të rëndësishëm në vendin ku ndodhet qendra e Kishës Katolike botërore.

“Pluralizmi i besimit dhe refuzimi i çdo forme të diskriminimit bazuar në përkatësinë fetare, janë arritje historike të garantuara nga Kushtetuta jonë.

Me rastin e Fiter Bajramit, në përfundimin e Muajit të Shenjtë të Ramazanit, Presidenti i Republikës së Italisë, Sergio Mattarella, ka dhënë një mesazh të posaçëm urimi drejtuar të gjithë qytetarëve italianë të besimit Islam dhe myslimanëve të shumtë, të ftuar në Itali, si dhe ata që janë rezidentë përkohësisht.

“Kremtimi i Fiter Bajramit na fton që të kultivojmë forcën e vullnetit, në respekt të diversitetit, me anë të një dialogu konstruktiv ndërmjet religjioneve.

Uroj që ky kremtim të japë rastin për të riktheksuar refuzimin ndaj çdo instrumentalizmi të urryer, në respekt të vlerave dhe idealeve që udhëheqin gjithmonë veprimin e Italisë”, theksohet në mesazhin e kreut të shtetit italian.

/tesheshi.com/