Qarkullimi i mjeteve në aksin Vlorë-Orikum është i bllokuar për shkak se një mase shkëmbi pikërisht në zonën e njohur “Kalaja është shkëputur duke rënë në rrugë. Nga frika se mund të ketë të tjera masa që mund të shkëputen, policia ka bllokuar lëvizjen e automjeteve.
“Momentalisht policia për elementë sigurie ka marrë masa për bllokimin e qarkullimit të automjeteve në të dyja akset e rrugës Vlorë-Orikum.
Luten të gjithë drejtuesit e mjeteve të mos vazhdojnë të qarkullojnë në aksin rrugor të Ujit të Ftohtë në drejtim të Orikumit, ashtu si edhe ata që vijnë nga Orikumi në drejtim të qytetit të Vlorës”, thuhet në njoftimin e policisë. /tesheshi.com/
