Planeti Mars nuk ka qenë përherë kështu. Tre miliardë vite më parë, në planetin e kuq ka pasur liqene dhe oqeane. Po shenja jete? Për këtë nuk dihet ende me siguri, por ka shumë mundësi që falë ujit të jenë zhvilluar qytetërime të ndryshme.
Këto hipoteza vijnë pas zbulimeve të fundit, e cila ka të bëjë me një sërë gurësh në planetin e kuq, të vendosura në formë rrethi, të cilat të kujtojnë strukturën e epokës së gurit.
Se sa është e vërtetë kjo hipotezë dhe se sa është produkt i imagjinatës, kjo ngelet të studiohet në vijim nga kompetentët e kësaj fushe, por ajo që dihet me siguri është se Luca Bignami ka shkruar në revistën shkencore Focus që miliarda vite më parë, Marsi kushte një oqean, i cili zinte rreth 19% të sipërfaqes së planetit.
Pra, nëse do të bëjmë disa llogari të thjeshta dhe nëse do të krahasojmë Marsin me Tokën, i bie që oqeani në planetin e kuq të jetë më i madh se ai Atlantik në planetin tonë.
Sasia e ujit që ka qenë e pranishme në Mars është matur nga teleskopë të veçantë tokësorë dhe këto instrumente kanë zbuluar se në disa zona, thellësia e oqeanit arrinte edhe deri në një kilometër e gjysmë. Pyetja që lind vetvetiu është: çfarë ka ndodhur më pas? Do të kemi edhe ne të njëjtin fund?/tesheshi.com/
