Në ceremoninë e ndarjes së mirënjohjeve nga Shoqata e Veteranëve të Luftës së UÇK-së për veteranët e luftës dhe familjet e dëshmorëve të vitit 1999 në Kosovë. Fazli Veliu, kryetar i SHVL-UÇK-së, thotë se statusi për veteranët dhe familjet e dëshmorëve nuk është në nivel të kënaqshëm dhe se kjo duhet të rregullohet me ligj.
“Disponim nuk kanë pasur as politikanët e as pala tjetër për zgjidhur këtë çështje. E mohojnë këtë çështje. Dua të them që dalë nga dalë duan ta zhdukin këtë çështje. Sikur nuk ka ekzistuar lufta, sikur lufta ka qenë një punë provokimi, nxitje dhe më në fund përse ne ata t’i quajmë të barabartë me anën tjetër të mbrojtjes së tyre dhe të ushtrisë së tyre dhe të atyre që i quajnë në gjuhën e tyre “Branitelli”, tha Fazli Veliu.
Kreu i BDI-së, Ali Ahmeti, çdo vit i pranishëm nëpër në kësi lloj të ceremonive nuk përmend se në çfarë mënyre mund të zgjidhet kjo çështje, por vetëm se kujton bashkëluftëtarët e tij që nuk do të mund tu dalin hakut për veprën e tyre.
“Asnjëherë nuk mundesh as veteranëve e mos të flasim për heronjtë e kombit tu dalim hakut, do të thotë detyrime dhe obligime ky komb deri sa të jetë jeta ka ndaj heronjve dhe ndaj të gjithë atyre që kanë luftuar për liri dhe kanë sakrifikuar për lirinë e kombit shqiptarë”, tha kryetari i BDI-së, Ali Ahmeti.
Mirënjohje morën familjarët e dëshmorëve dhe veteranët për kontributin e dhënë në luftën e Kosovës, siç janë Ismet Jashari, Beqir Limani, Mujdin Aliu e tjerë. /tesheshi.com/
