Kandidati për kryeministër nga PAN, Ramush Haradinaj, ka kërkuar nga opinioni publik të kenë durim deri sa të krijohen institucionet e vendit, ndërsa ka përmendur tri arsye se pse po vonohet krijimi i qeverisë.
Haradinaj ka thënë se nuk ka në plan të krijojë çfarëdo qeverie, por institucione stabël.
“E para zgjedhjet e kanë prodhuar rezultatin që e dini të gjithë.
E dyta jemi përballë një kornize ligjore që nuk po krijon lehtësira.
E treta nuk jemi aspak të interesuar që ta bëjmë një qeveri sa për të thënë.
Vonesat kanë të bëjnë me gjetjen e një formule për institucione stabël qeverisëse dhe prandaj opinioni publik duhet të na mirëkuptojë.
Është koha që partitë politike dhe udhëheqësit e tyre të reflektojnë dhe t’i pranojnë rregullat e lojës që na i ka përcaktuar Kushtetuta dhe Gjykata Kushtetuese dhe të zhbllokojmë vendin.
Ky vend nuk mund të jetë peng i inateve dhe kalkulimeve”, shkruan Haradinaj në rrjetet sociale. /tesheshi.com/
