Pas kthimit nga Amerika, Lulzim Basha duket se po ndjek strategjinë që bëri Edi Rama pas vitit 2011.
I është futur opozitës reale dhe sot, me një pamflet politik e ka goditur qeverinë tek buxheti, që në fakt përbën aktin klasik të një opozite që synon të vijë në pushtet.
Ndërsa prej dy vjetësh PD-ja ka ndërmarrë një fushatë denoncimi verbal masiv, ku janë akuzuar të gjithë kokat e socialistëve, por pa u dërguar asnjë dosje në prokurori, sot kreu i selisë blu ka përdorur penën dhe lapsin për të shkruar dhe bërë llogari.
Në një postim në faqen zyrtare në Facebook, Lulzim Basha, e cilëson Edi Ramën si “kryeministër në ikje”, ndërkohë që i futet një analize të buxhetit të dytë të qeverisë, që në fakt është buxheti i gjashtëmujorit korrik-gusht.
Qeveria e ka dërguar ligjin e buxhetit jo me një ligj klasik, i cili kërkon 71 vota domosdoshmërisht, por me një akt normativ, që do të thotë që mund të miratohet me shumicën e anëtarëve të pranishëm të Kuvendit. Pra gjysma e tyre që janë prezent.
Këtë Basha e quan një “akt tinzar” pasi Rama synon të anashkalojë një betejë me LSI-në në Kuvend.
Madje Basha përveç denoncimit paraqet edhe alternativën e PD-së në fushën ekonomike dhe financiare.
Me këtë lëvizje të sotëm Basha ka ardhur me këmbë në tokë.
A do të jetë kjo opozita e tij në muajt pas shtatorit?! Të shohim, por kjo e sotmja është një sinjal për këtë…Madje
Postimi i Bashës:
“Në mënyrë tinzare, kryeministri ne ikje ka ndryshuar me akt normativ buxhetin pa e dërguar në komisione, në parlament.
Pse? Pse keshtu hajdutjce, fshehtasi, duke shmangur debatin, oponencën, kritikën?
Sepse me ndryshimin e buxhetit Edi Rama nuk rrit asnjë pagë, tall dhe poshtëron 635 mijë pensionistët me indeksimin 1.6 përqind, pra një bukë e 100 gramë djathë në muaj, kur cmimet janë rritur e nuk kanë të ndalur.
Kryeministri ne ikje nuk rrit asnjë qindarkë fondet për ndihmën ekonomike për familjet në nevojë. Kur papunësia rritet cdo ditë, ai nuk shton, por e ul me 10% fondin për pagesën e papunësisë. Asnjë qindarkë për kompensimin e ish të përndjekurve politikë. Kryeministri në ikje ul fondet për arsimin, shëndetësinë dhe burgjet, ul fondet për investimet me financim të huaj. Rrit borxhin publik për vitin 2016.
Por Edi Rama nuk ka harruar të shtojë 68 punonjës në aparatin e kryeministrisë. 68 sharës të rinj në pallatin e tij që do të paguhen me paratë e shqiptarëve për ti shërbyer propagandës e llafeve, e aspak punës.
Kjo është qeverisja e degraduar dhe korruptive e kryeministrit në ikje. Taksa të larta, gjoba të larta, cmime të larta. Shto luksin e shërbëtorët për vete, ul fondet dhe rrit mjerimin për shqiptarët.
Partia Demokratike ka një plan shpëtimi për vendin. Në programin e saj, buxheti do të jetë pronë e shqiptarëve, jo plackë për tu ndarë sipas tekave. Ne do të ulim taksat dhe shpenzimet qeveritare. Cdo fond do të shkojë për investime, për vende të reja pune, për paga e pensione më të larta, për zbutjen e varfërisë në vend dhe per një ekonomi të fortë e një të nesërme të sigurtë për të gjithë shqiptarët.
BUXHETI i RISHIKUAR 2016:
- Zero rritje per pagat, vazhdojne te jene te ngrira, duke dobësuar edhe më shumë fuqinë blerëse.
- Nuk rrit pensionet, indeksimi poshtë detyrimit ligjor sepse inflacioni 2015 rezultoi ne masen 1.9%, ndërsa indeksimi vetem ne masen 1.6%, duke dobësuar edhe më tej fuqine blerese.
- Zero rritje fondet per ndihmen ekonomike, me zero perfitim per familjet nevojtare.
- Ul me 10% fondet per pagesen e papunesise, ndonese papunesia eshte me e larte sesa ajo e para 2-3 viteve.
- Zero rritje fondet per kompensimin e ish te perndjekurve politike.
- Ul me 34 milione leke investimet ne “arsimin baze” (-2.5%).
- Ul me 199 milione leke investimet ne “arsimin e larte” (-28%)
- Ul me 108 milione leke investimet ne “kujdesin paresor” (-35%).
- Ul me 140 milione leke investimet ne “sherbimin kombetar te urgjences” (-47%).
- Ul me 62 milione leke investimet ne “arsimin profesional” (-11.7%).
- Ul me 88 milione leke investimet ne “sistemin e burgjeve” (-9.1).
- Ul me 2.15 miliarde leke fondet e Fondit Shqiptar te Zhvillimit, (- 28.3%).
- Rrit me 68 punonjes te aparatit te Kryeministrise.
- Rrit borxhin publik per vitin 2016 me 1.3 miliarde leke (3.8%)”.
/tesheshi.com/
