LSI akuzoi kryeministrin Edi Rama se nuk e do vetingun , proçesin më të rëndësishëm në reformën në drejtësi.
Në një deklaratë për mediat nga kryesia e Kuvendit, deputeti i LSI-së Nasip Naço iu referua faktit që mazhoranca nuk votoi një shtesë prej 70 personash të nevojshëm për funksionim normal të strukturave të vetingut. Sipas deputetit të LSI-së, mazhoranca po përpiqet të vërë nën kontroll institucionet e pavarura.
“Kërkohet një shtesë gati sa 1/10 e ushtrisë së Edi Ramës që siç dihet në vend të punës merret vetëm me komente në Facebook dhe të tjera punë të paqarta”, tha Naço.
Nga ana tjetër ai garantoi mbështetjen e LSI-së ndaj “çdo kërkese që i krijon kushte optimale pune organeve të vetingut”.
Komisioni i Ligjeve miratoi sot 113 punonjës si pjesë e stafit të tre institucioneve të rëndësishme të vetingut, nga 185 punonjës që ishte kërkuar për tre organet. /tesheshi.com/
