![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Ka përfunduar mirë aventura e tre gazetarëve spanjollë të zhdukur para dhjetë muajsh në Halep.
Një njoftim i qeverisë spanjolle ka bërë të ditur se tre gazetarët janë liruar dhe janë në rrugën e kthimit për në vendin e tyre. Ata gjenden në Turqi, në pritje për të fluturuar drejt Spanjës, ndërsa gëzojnë shëndet të mirë.
Angel Sastre, Antonio Pampliega dhe Jose Manuel Lopez u zhdukën korrikun e shkuar në Halep, pak kohë pasi qenë futur në Siri.
Ende nuk është e qartë se nga kush u rrëmbyen gazetarët, por në njoftimin e qeverisë spanjolle nënvizohet ndihma e aleatëve për lirimin e tyre, posaçërisht e Turqisë dhe Katarit.
Drejtuesja e federatës së gazetarëve spanjollë, Elsa Gonzalez, e përshkroi lajmin e lirimit të kolegëve si një moment emocioni dhe gëzimi.
Një histori e ngjashme qe përsëritur dy vite më parë, kur dy gazetarë spanjollë qenë rrëmbyer dhe qenë mbajtur për gjashtë muaj nga ISIS-i, për t’u liruar më pas.
Reporterët pa Kufij e cilësojnë Sirinë si vendin më të rrezikshëm në botë për gazetarët. /tesheshi.com/
