Kur Vladimir Putin u emërua kryeministër më 9 gusht 1999, shumë besuan se ish-shefi i inteligjencës ruse, pak i njohur, synonte të vazhdonte reformat demokratike në vitet pas-sovjetike, ndërsa sillte rendin në vend.
Njëzet vjet më vonë, ai ndodhet i instaluar fuqishëm në pushtet, të cilin duket se është i vendosur për ta mbajtur, sipas France Presse.
Javët e fundit, refuzimi i autoriteteve ruse për të lejuar që opozita të garojë në zgjedhjet lokale në disa qytete, përfshirë Moskën, dhe reagimi i fortë ndaj protestave të opozitës, lënë hapësirë të vogël për dyshime në lidhje me vendosmërinë e Putinit për të mbajtur pushtetin.
Ish-agjenti i KGB, i njohur për rikthimin e pozitës së vendit të tij në skenën ndërkombëtare, nuk do të lejojë që opozita ta cenojë atë, pse Kushtetuta nuk e lejon të kandidojë për një mandat të ri presidencial në vitin 2024.
Klasa politike ruse po pyet për qëllimet e presidentit aktual pas skadimit të mandatit të tij: A do ta mbajë përsëri detyrën e kryeministrit, ashtu si në vitin 2008-2012? A do ta caktojë pasardhësin e tij, siç bëri Boris Yeltsin në vitin 1999? A do të ketë ai një funksion nderi që do ta lejonte atë të tërheqë telat ashtu si bëri burri i parë në Kazakistanin fqinj?
Vladimir Putin kishte rekord popullaritet pas aneksimit të Krimesë. Por mbështetja nisi të bjerë pas njoftimit për një reformë pensionesh një vit më parë, e papranueshme për popullsitë me të ardhura shumë të ulëta,të cilat kanë rënë në pesë vitet e fundit, sipas France Presse. /tesheshi.com/
