Donald Trump kishte vetëm fjalë të mira për Turqinë dhe presidentin e saj gjatë takimit të tij me kryeministrin izraelit Benjamin Netanyahu në Shtëpinë e Bardhë të hënën, gjatë të cilit pritej të ngrihej çështja e Iranit, Rripit të Gazës, Turqisë dhe pranisë së Sirisë, si dhe tarifat.
Unë kam “një marrëdhënie shumë, shumë të mirë me Turqinë dhe liderin e saj”, tha presidenti amerikan, duke uruar Turqinë.
Në lidhje me presidentin turk Tajip Erdogan, Trump e lavdëroi për veprimet e tij në Siri: “I thashë se si e bëri atë që askush nuk e kishte bërë në 2000 vjet, ai mori kontrollin e Sirisë, le t’ia japim atë’. Presidenti turk u përgjigj, “jo, jo, nuk isha unë, ishe ti”, me Trump që në fund mori një pjesë të meritave për suksesin: “Në fund të fundit, le të themi se ndoshta isha edhe unë”.
“Ai është vërtet i ashpër dhe shumë i zgjuar”, tha Trump për presidentin turk, duke vënë në dukje se “kam një marrëdhënie shumë të mirë me këtë njeri”.
“Erdogan më pëlqen. Edhe ai më pëlqen mua dhe kjo është ajo që i çmend mediat”.
“Asnjëherë nuk kemi pasur probleme dhe kemi kaluar shumë”, tha gjithashtu Trump, duke kujtuar rastin e ndalimit të pastorit amerikan në Izmir, gjatë mandatit të tij të parë, që solli në konflikt Uashingtonin dhe Ankaranë.
Lidhur me marrëdhëniet midis Turqisë dhe Izraelit, në sfondin e Sirisë dhe shqetësimit të Izraelit për ndikimin turk në vend, Trump kishte një mesazh tjetër për të dërguar: “Nëse Izraeli ka një problem me Turqinë, mendoj se mund ta zgjidh atë për sa kohë që ju(izraelitët) jeni të arsyeshëm”. /tesheshi.com/
