Tre mbështetës të Donald Trump në Teksas i kanë lënë një kameriereje 25-vjeçare një bakshish të majmë dhe një shënim prekës. Rosalynd Harris ishte duke punuar si zakonisht të hënë që lamë pas.
Ajo shkoi dhe u mori porosinë tre meshkujve që ishin ulur në një tavolinë dhe që po festonin inaugurimin e Donald Trump si president.
“Mund të them se ndoshta ishin nga jugu, pasi të tre mbanin kapele kauboi”, – ka thënë vajza për WUSA9. Harris kishte marrë pjesë në Maratonën e Femrave dy ditë përpara se të takohej me këta meshkuj.
Ata i konfirmuan se kishin ardhur në qytet për të festuar inaugurimin e Trupit dhe komplimentuan thjeshtësinë e vajzës.
Pasi të tre u larguan nga lokali, vajza shkoi në tavolinën e tyre dhe gjetu 450 dollarë bakshish si dhe faturën 72 dollarëshe me një shkrim në të. Klientët kishin shkruar në faturë:
“Mund të vijmë nga kultura të ndryshme dhe mund të mos jemi dakort në lidhje me disa tema, por nëse të gjithë do të kishim buzëqeshjen dhe mirësjelljen tënde, një ditë të gjithë do të jemi një popull i vetëm”./tesheshi.com/
