Alvaro Morata u detyrua të lërë fushën e lojës në “Stamford Bridge” ndaj Manchester City për shkak të problemeve muskulore dhe pritet të mungojë të premten kundër Shqipërisë.
Morata është dëmtuar në kryendeshjen e Premier League mes Chlesea dhe City.
Sulmuesi spanjoll u largua nga fusha e lojës në minutën e 34’ për shkak të problemeve muskulore.
Mungesa e Moratas në përballjen me Shqipërinë është një “dhimbje koke” më pak për kuqezinjtë, pasi spanjolli ka treguar një formë të shkëlqyer javët e fundit.
Gjithsesi me kualitetet që ka Spanja, mungesa e Moratas nuk do të krijojë problem për ekipin spanjoll, që tashmë ka siguruar vendin e parë në grup dhe rrjedhimisht edhe kualifikimin për në botërorin e Rusisë. /tesheshi.com/
