Pozita e Sokol Cikalleshit te Istanbul Bashakshehiri bëhet akoma më e ndërlikuar ndërsa klubi turk sapo ka nënshkruar me sulmuesin 32-vjeçar Emmanuel Adebayor.
Togolezi ka nënshkruar një kontratë 1.5-vjeçare. Ai është aktivizuar për herë të fundit në sezonin e shkuar me Kristëll Pallasin; gjatë këtij sezoni nuk ka qenë i angazhuar me asnjë skuadër.
Monako, Arsenali, Mançester Siti, Reali i Madridit dhe Totenhemi janë mes skuadrave me të cilat ka luajtur Adebayor gjatë këtyre viteve.
Ardhja e tij te Bashakshehiri ia ngushton akoma më shumë hapësirat Sokol Cikalleshit, që edhe kështu e ka ndjekur pjesën më të madhe të kampionatit nga shkallët e stadiumit.
Cikalleshi mungoi në fundjavë dhe në fitoren 1-0 të ekipit të tij ndaj Bursasporit, pa qenë, si zakonisht, as në stol.
Në të dytin sezon te skuadra turke, Cikalleshi ka mundur të dalë në fushë më së shumti në ndeshjet e kupës.
Istanbul Bashakshehiri renditet në vend të dytë në Superligën turke, me dy pikë më pak se Beshiktashi kryesues. /tesheshi.com/
