Reagimet në Lindjen e Mesme ndaj ndalimit të përkohshëm të udhëtimit në Shtetet e Bashkuara nga shtatë vende me shumicë muslimane variojnë nga zemërimi i skajshëm deri tek, në disa raste, edhe tek shprehja e keqardhjes apo e mirëkuptimit me vendimin e presidentit amerikan.
Shumë të përditshme në gjuhën arabe e dënuan lëvizjen e kreut të Shtëpisë së Bardhë si “raciste” dhe e papërputhshme me vlerat amerikane, ndërsa në Iran ka pasur apele ndaj Qeverisë që të përgjigjet me të njëjtën monedhë.
Sidoqoftë, reagimi në disa vende saudite dhe në shtypin e Gjirit ka qenë më i heshtur ndërkohë që ka pasur pikëpamje të ndryshme në median sociale.
Ndëshkim kolektiv
Një editorial në gazetën e Irakut, “Al-Adala”, zëdhënëse e këshillit të lartë të partisë politike Shiite islamike, e sheh vendimin si “provë flagrante e politikave raciste”. Artikulli sulmon “ këtë abuzim nga një vend që pretendon të jetë demokratik e në respekt të të drejtave të njeriut” dhe ngre pikëpyetje se çfarë efektesh mund të ketë në marrëveshjen strategjike midis Shteteve të Bashkuara dhe Irakut duke shtruar pyetjen: “A ka marrëveshja ndonjë domethënies pas këtyre masave diskriminuese?”.
Ali Nun në gazetën libaneze, “Al-Mustaqbal” – në pronësi të kryeministrit Saad Hariri – thotë se “vendimi i Trump nuk mund të shihet ndryshe por vetëm si një ndëshkim kolektiv” dhe se “nuk ka të bëjë fare me normat perëndimore të drejtësisë dhe demokracisë”.
Duke u bërë jehonë ndjesive të krijuara në vend, Ahmed Mansour në gazetën pro-qeveritare Al-Watan thotë se “lufta e Trump kundër atij që ai e quan Islam ekstremist ka nisur ndaj atyre që dëshmojnë se nuk ka Zot tjetër përveç Zotit dhe përfundon me ISIS”.
Gazeta me seli në Londër, “Al-Arab” thotë se “Trump ka përcjellë një mesazh ndaj botës muslimane që ka përmbajtjen se politika e riafrimit ka marrë fund”. Gazeta vë në dukje se “Trump ka një aftësi për të krijuar kaos përmes vendimit të tij, që ka habitur kritikët dhe mbështetësit në të njëjtën kohë”.
Një editorial në pro-qeveritaren saudite “Al-Riyadh” është më i përmbajtur, duke shprehur shqetësimin për marrëdhëniet midis Uashingtonit dhe vendeve arabe e muslimane e duke bërë thirrje për “vendime të mençura që do të shpërndanin tensionin në rajon, që do të sillnin një faqe të re marrëdhëniesh të ballancuara me Amerikën e që do të shërbenin për interesat e palëve të ndryshme”.
Në gazetën me seli në Londër, të financiar nga sauditi Al-Sharq al-Awsat, Tariq al-Hamid kritikon disa nga vendet e mbuluara nga urdhër-ndalimi. “Pas vitesh të armiqësisë ndaj Shteteve të Bashkuara, përse Irani është i zemëruar me vendimin e Trump? Përse ata që përshtasin një gjuhë fundamentalist islamiste janë të zemëruar me vendimin edhe pse kanë shpenzuar vite në përhapjen e urrejtjes kundër Amerikës?”, pyet autori.
“Kundërpërgjigje e njëjtë”
Gazetat iraniane dhe media televizive e kanë vënë theksin tek protestat në Shtetet e Bashkuara kundër urdhër-ndalimit, ndërsa gazeta reformiste “Ebtekar” dhe ajo konservatore “Khorasan” publikuan fotografi të mëdha të protestave në faqet e tyre të para.
Një koment në gazetën iraniane të vijës së ashpër, “Javan” apelon autoritetet iraniane të ndërmarrin hapa “reciprokë” kundër udhër-ndalimit.
Në të thuhet se veprimet e fundit të Trump demonstrojnë “qëllime të sëmura” që janë “në shkelje të hapur” me parashikimet e marrëveshjes bërthamore me Iranian, sipas së cilës apelohet për të treguar vullnet të mirë nga palët në kohën e zbatimit të paktit.
Iraniania “Keyhan” u jep zë të njëjtave pikëpamje në një koment të titulluar “Ndalimi i qytetarëve amerikanë nga hyrja në Iran është minimumi që pritet nga qeveria”.
Kanali televiziv me titra, “IRINN” citon zëvendës-ministrin e Jashtëm, Qashqavi të ketë thënë se “Irani do t’u përgjigjet masave të paligjshme të presidentit amerikan”.
Përdoruesit e rrjeteve sociale në arabisht duket se janë të ndarë në përgjigjen e tyre ndaj urdhër-ndalimit. Disa shprehin mosmiratimin përsa i përket selektimit të vendeve të përfshira në listë, ndërsa të tjerë e mbrojnë këtë masë.
Disa përdorues irakiane ngrenë dyshime përse u përfshi Iraku në urdhër-ndalim, ndërsa Arabia Saudite u përjashtua nga kjo masë.
Përdorues të tjerë, sidoqoftë, vlerësojnë masën amerikane, duke shprehur habi ndaj kriticizmit që vjen nga arabët për ndalimin, duke e lidhur këtë me vështirësitë e krijuara për refugjatët sirianë në pajisjen me viza nga pothuajse të gjitha vendet arabe.
Zëvendës-shefi i policisë së Dubait, Dhahi Khalfan Tamim (@Dhahi_Khalfan, me 1.58 milionë ndjekës), thotë se “ishte një vendim i shëndetshëm për të vendosur ndalim udhëtimi për shtetasit e lidhur me Iranin sikundër edhe ndaj vetë shtetasve iranianë”.
Ai poston në arabisht: “Ata mallkojnë Amerikën dhe këkrojnë shkatërrim, më pas qajnë se u përfshinë në një urdhër-ndalimi për të udhëtuar në atë vend, ata janë idiotë”.
Firas Tlass, politikan me ndikim dhe djali i një ish-ministri sirian të Mbrojtjes shkruan në Facebook: “Vendet e Gjirit dhe Turqia kanë ndaluar sirianët nga pajisja me viza. Kështu që lëreni Trumpin të qetë!”.
Gazetari saudit Aziz al-Qenaei gjithashtu shkruan: “Kur dëshiron të kritikosh Trump, duhet të reformosh veten dhe shoqërinë tënde, kulturën dhe sjelljen e besimtarëve kështu që argumentet që përdor të bëhen më racionale”.
Përgatiti: Juli Prifti – /tesheshi.com/
