Një shtetas shqiptar i njohur ndryshe si “Niko” ose “El Gordo” është arrestuar në Santa Marta të Kolumbisë pasi dyshohet se ka bashkëpunuar me trafikantët kolumbianë të drogës.
“Niko” kërkohej në më shumë se 180 shtete, ndërsa autoritetet franceze, EUROPOL, INTERPOL e konsiderojnë si objektiv shumë të rëndësishëm.
Personi i arrestuar është i përfshirë edhe në veprat penale të pastrimit të parave.
Sipas informacioneve të mbajtura nga organi hetimor, thuhet se “Niko” ka qenë në shërbim të strukturave të trafikut të drogës që kryejnë vepra kriminale në Francë, Shqipëri, Holandë dhe Gjermani.
Prania e tij në Kolumbi ka shumë të ngjarë të synonte vendosjen e kontakteve me rrjetet e trafikut të drogës. /tesheshi.com/
