Pakkush e di që fillimet parapolitike të Edi Ramës si rebel, do ishin pikërisht në një përballje me Dritëro Agollin. Ishte fundi i viteve ’80, kur Rama, si pedagog e piktor, i pranishëm në një mbledhje të Lidhjes së Shkimtarëve me kryetar Dritëroin, do kërkonte nga ky i fundit legalizimin e “lirisë së fjalës”, duke marrë si përgjigje një batutë brilante, ndonëse me tharm ideologjik komunit: “Fjala është si arma dhe duhet të jepet vetëm me leje”. Megjithatë, Rama e ka kursyer gjithnjë poetin dhe shkrimtarin e quajtur “patriark letrash”, duke mos e bërë objekt talljesh e shpotish, siç ka ndodhur me shumë sishokë të tij, përfshirë dhe vetë Kadarenë. Dhe ne po sjellim këtu një debat parlamentar, kur Rama ishte ministër Kulture e Dritëroi deputet, brenda të njëjtin kamp politik, PS. Ishte viti 2000 dhe në parlamentin e Shqipërisë po diskutohej një projektligj për artin dhe kulturën. Ishte pregatitur pikërisht nga Ministria e Kulturës e cila drejtohej nga Edi Rama. Debati kishte vënë përballë si zakonisht demokratët dhe socialistët. Në atë legjislaturë ishte deputet edhe ish-aktori Zef Bushati, i cili po e kritikonte ligjin. Dhe ky i fundit, u përball si me Agollin e si me Ramën.
Dritëro Agolli: Unë, si njeri i letrave dhe si deputet them se projektligji që po shqyrtojmë i përshtatet kushteve të jetës bashkëkohore, artistike të vendit dhe mendoj se sjell dobi në zhvillimin e arteve në Shqipëri. Përgatitja e këtij projektligji është në harmonizim të plotë me gjithë reformën në ekonomi dhe në kulturë, në Shqipëri. Ky është një projektligj tejet liberal ekonomikisht dhe idealist, që i ndihmon artistët edhe në jetën artistike, edhe në jetën private. Në të vërtetë, ky është një ligj i një shoqërie socialiste, po ta shohësh, dhe artistët nëse janë me parimet e ekonomisë së tregut kapitalist, duhet të ngrihen kundër këtij ligji. Ne jemi për kapitalizmin, për ekonominë e tregut, kurse ata janë për një ligj socialist, madje tepër socialist dhe ne po jua plotësojmë këtë ligj socialist siç është ky ligj. Unë nuk kam parë ndonjë parti të djathtë që të jetë socialiste, që të kërkojë socializëm shtetëror. Kështu që duhet ta kuptojmë këtë gjë, këto reforma, se këto reforma bëhen që të mos jemi me shoqërinë që kaloi. Tani, njeriu vërejtje mund të ketë në këtë ligj, por ky është, ma merr mendja, më tepër socialist se ç’duhet tani.
Dhe pas kësaj deklarate të Agollit nga Bushati, vjen përgjigja e Edi Rama i kujtoi krydemokriastianit kohën e komunizmit, duke i thënë me ironi se recitonte plot zell vjersha për diktatorin.
Edi Rama – Pa e vënë fare në dyshim faktin që zoti Bushati flet në emër të interesave kombëtare, sepse është në emër të këtyre interesave kombëtare që i ka bërë dhe recitimet për të gjitha vjershat e poemat për shokun Enver, të cilin e ka përjetësuar në fondin e kulturës tonë kombëtare, unë do të doja të thosha 3 gjëra:
E para, është kompetencë e Kryeministrit të vendosë se kush është ministër i Kulturës dhe madje me mua e ka dhe më të lehtë, sepse nuk ka nevojë fare t’i drejtohet as Presidentit dhe as partisë, mjaft të më drejtohet mua dhe mbaron kjo punë.
E dyta, zoti Bushati, unë e përsëris se nuk dyshoj që ju flisni për interesat kombëtare, por them se duhet ta votoni ligjin, sepse pas zgjedhjeve të 2001-shit, atë partinë tuaj mund ta bëni kompani teatrore private, ku të merrni dhe ndonjë aktor mediokër që do të mbetet rrugëve, sepse përndryshe do të mbeteni pa punë.
E treta zoti Bushati, ju thatë një gjë: “Mjaft të ulesh në tryezë dhe t’i shohësh se ku kanë shkuar këto para”. Këtu është problemi tani, si t’ju ulim ju në tryezë, që jeni mësuar ta bëni politikën në majë të malit. Ky është problemi i madh i yni. E kupton apo jo? Megjithatë, për respektin e madh që kam krijuar ndaj jush, për gjithë ato role dytësore ose tretësore që keni bërë në filmat e realizmit socialist, unë ju ofroj të gjithë dokumentacionin në dispozicion, që ju ta shqyrtoni, ta konsultoni dhe në Këshillin Kombëtar të Partisë Demokristiane dhe të arrini në një konkluzion të qartë për transparencën e këtyre fondeve. Megjithatë edhe një herë tjetër ju bëj një sugjerim: Votojeni ligjin se do t’ju duhet juve personalisht pas vitit 2001. /tesheshi.com/
