Jose Mourinho ka akuzuar klubet angleze Manchester United, Liverpool dhe Manchester Cityn që po mundohen ta ‘blejnë’ titullin e Premier Ligës, mirëpo statistikat e thonë të kundërtën, pasi del që ai të jetë shpenzuesi më i madh i gjitha merkatove.
Pa asnjë dyshim, tekniku portugez është trajneri që ka shpenzuar më së shumti nëse i referohemi statistikave nga viti 2004 e deri më tani. Trajneri aktual i Chelseas ka shpenzuar mbi 903 milionë euro në ndërtimin e skuadrave të cilat i ka udhëhequr (Inter, Real Madrid dhe dy etapat në Chelsea).
Ndërkohë, disa ditë më parë trajneri i vetëquajtur “I veçanti” ka kritikuar investimet që kanë kryer rivalët e tij nga Premier Liga duke i akuzuar ata se po tentojnë ta ‘blejnë’ titullin. Kujtojmë se në etapën e tij të parë tek londinezët ishte akuzuar se po tentonte ta blinte kampionatin. Ndërsa tani, janë United, Liverpool dhe City që po tentojnë ta bëjnë një gjë të tillë.
22 milionë më pak se Mourinho i ka shpenzuar Carlo Ancelotti, ish trajner i Real Madridit, Milanit, Chelseas dhe Parisit. Italiani ka shpenzuar gjithsej 881 milionë euro në të gjitha merkatot.
Pas tij vijnë Manuele Pellegrini me 645 milionë të shpenzuar, Roberto Mancini me 667.
Njëri ndër protagonistët kryesor të çdo merkatoje është edhe trajneri aktual i Altetico Madridi, Diego Pablo Simeone me 246 euro të shpenzuara deri më tani.
Listën e kompletojnë Alex Ferguson (465 milionë euro të shpenzuara tek ‘djajtë e kuq’), Arsene Wenger (428 me Arsenalin), Pep Guardiola (391 duke dirigjuar Barcelonën dhe Bayernin), Louis Van Gaal (240 si trajner i skuadrave AZ Alkmaar, Bayern dhe United) dhe Jurgen Klopp (181 me Mainz 05 dhe Borussia Dortmundin). /tesheshi.com/
