Në Lagjen e Trimave të Kumanovës po vazhdojnë të shtënat sporadike dhe lëvizje të helikopterëve mbi këtë zonë. Situata mbetet e pandryshuar që nga mbrëmja e djeshme. Një pjesë e këtyre banorëve janë larguar nga shtëpitë e tyre për të evitur ndonjë incident, për shkak të përqëndrimit të përleshjeve të armatosura. Njësitet speciale policore janë të stacionuara nga pjesa hyrëse kryesore e lagjes nga tregu i Kumanovës. Nga ky lokalitet janë të përqëndruar edhe media vendore dhe të huaja, të cilat po ndjekin situatën.
Situata vazhdon të jetë jostabile dhe se pritet ndërhyrja e faktorëve ndërkombëtarë për të ndikuar në mundësitë e normalizimit të situatës.
Në orën shtatë të mëngjezit sërish kanë filluar të shtënat e fuqishme me armë të kalibrit të rëndë në Qytetin e Kumanovës. Situata është e tensionuar dhe po vazhdon prania e shtuar policore kryesishtë e përbërë nga njësitet speciale .
Sic njofton Agjencia e lajmeve INA zhurmat e helikopterëve të shumtë të policisë dhe ushtrisë kanë zgjuar nga gjumi edhe banorët e qytetit të Shkupit. Nuk dihet akoma nëse ata janë nisur për Kumanovë.
