Është bllokuar përkohësisht rruga që lidh Milotin me Kosovën, si pasojë e rrëshqitjes së dherave në Kalimash.
Siç bën të ditur Top Channel, një qytetar ka denoncuar rrëshqitjen e dheut pranë një fabrike që shfrytëzon kromin në zonën e Kalimashit.
Sipas asaj që bëhet e ditur nga ky raportim, nga rrëshqitja e dherave është bllokuar rruga dytësore që lidh Kukësin me Shkodrën dhe Tiranën.
I kontaktuar nga Top Channel, qytetari në fjalë shprehet se nuk ka prani të forcave të policisë në vendngjarje dhe ende nuk dihet nëse në kohën e shembjes në rrugë ka pasur kalimtarë.
Shoferët që po ecin në këtë rrugë duhet të kenë kujdes dhe të informohen paraprakisht nga punonjësit e policisë që do të ndodhen në rrugë pas tunelit të Thirrës, pra përfundimit të autostradës.
/tesheshi.com/
