Një takim mes dy krerëve të politikës, vetëm ose në një tryezë shumëpartiake, mund të bëhet së shpejti; por ka Basha ka vendosur një kusht që paralajmëron dështimin e dialogut. Ndërmjetës janë dy amerikanë: Arvizu dhe Lu…
Pas afro dy muajsh nga nisja e protestës së opozitës, po vijnë sinjalet e para të negociatave mes saj dhe qeverisë për të biseduar. Negociatat janë bërë dhe më të ethshme ditët e fundit pas luhatjes së LSI-së për të qëndruar në bashkëqeverisje me PS-në. Burime pranë dy palëve thanë për tesheshi.com se negociatat po udhëhiqen nga dy amerikanë që e njohin shumë mirë Shqipërinë dhe politikanët shqiptarë, ish-ambasadori Aleksandër Arvizu dhe pasardhësi i tij, Donald Lu.
Nga takimet që dy amerikanët kanë bërë me Bashën, Ramën dhe faktorë të tjerë të skenës politike, duke hapur roli i tyre në atë që po ndodh pas kuintave të politikës së ditës.
Rama ka pranuar takimin dhe nisjen e dialogut me Bashën duke i lënë atij në në dorë të caktojë dhe vendin e orën e takimit, por…
Ka diçka që ka ngecur në këto negociata paraprake të cilat edhe nëse përfundojnë në një takim, ka pak mundësi që të përfundojnë në një marrëveshje, thanë më tej burimet. Arsyeja është se Basha e ka pranuar dialogun duke vënë një kusht: të diskutohet krijimi i qeverisë teknike. Nga ana tjetër, Rama ka kërkuar një dialog pa kushte paraprake. “Eja ulemi flasim”- thotë kryeministri, ndërsa publikisht ka këmbëngulur më shumë se një herë se qeveria e tij është legjitime dhe nuk ka ndërmend të krijojë qeveri teknike duke e cilësuar këtë kërkesë një tekë të opozitës.
Situata bëhet dhe më e vështirë në një kohë kur dhe aleati i tij kryesor, Ilir Meta ka kërkuar një qeveri të re që e quan “qeveri besimi”. Pavarësisht nga terminologjia duket se Basha dhe Meta kërkojnë të njëjtën gjë.
Nga pala opozitare pohohet se do të shkohet në këtë takim, por pa hequr dorë nga kushti; dhe nëse Rama nuk pranon do të shohim se deri sa mund të durojë, duke pasur parasysh zgjedhjet që po vijnë, ku opozita ka vendosur të mos futet, dhe LSI e ka kushtëzuar hyrjen e saj me atë të opozitës.
Tryeza e pritshme mes Bashës dhe Ramës po shihet dhe si një mundësi për të dobësuar Ilir Metën. Televizioni Top-Channel shkruajti mbi këtë tezë, e cila u cilësua nga zëdhënësi i Metës si fake-news dhe propagandë sorosiane.
Pra, takimi Basha-Rama nuk është më një çudi, një çudi do të jetë nëse ky takim do të prodhojë një marrëveshje mes palëve. Kështu si po gatuhet ajo që pritet është vetëm një shtrëngim duarsh jo i sinqertë dhe një harxhim energjish për miqtë amerikanë. /tesheshi.com/
