Raportuesi për Shqipërinë në Parlamentin Europian, eurodeputeti Knut Fleckenstein në viijim të takimeve në Tiranë, në kuadër të një vizitë, diskutoi me kryetaren e LSI-së, Monika Kryemadhi, mbi reformat që ka ndërmarrë vendi në kuadër të integrimit.
Kryemadhi ka deklaruar se LSI mbështet reformën zgjedhore dhe gjithçka që lidhet me integrimin e Shqipërisë në BE.
“LSI do të mbështesë në Kuvend gjithçka lidhet me Integrimin Evropian. Mbështesim një reformë të vërtetë zgjedhore”, tha Kryemadhi, duke e cilësuar 25 qershorin, një histori të shëmtuar të deformimit të votës së shqiptarëve.
Kryemadhi tha se është momenti që ti jepet fund farsës me reformën zgjedhore.
“Dekriminalizuam parlamentin, tani misioni ynë të dekriminalizojmë votën e shqiptarëve”, tha kryetarja e LSI-së./tesheshi.com/
