Komisioni Qendror i Zgjedhjeve shkarkoi katër anëtarë të KZAZ-së numër 15 që korrespondon në Bashkinë e Kurbinit.
Ata nuk kanë pranuar të marrin materialet zgjedhore në këtë bashki dhe përfaqësuesit e Partisë Socialiste në KQZ kërkuan shkarkimin. I është dhënë kohë Partisë Demokratike të zëvendësojë anëtarët e larguar.
Afër mesnatës, Partia Demokratike ka dërguar emrat e anëtarëve të rinj të kësaj KZAZ-je në Bashkinë e Kurbinit.
Mostërheqja e materialeve zgjedhore për votimin rrezikonte hapjen e qendrave të votimit në këtë bashki, ku më herët me disa vendime të KQZ-së e më pas edhe të gjykatave u përjashtua nga gara elektorale kandidati demokrat, Ilir Pjetraj. /tesheshi.com/
