Më 28-30 maj, Kosova do të organizojë konferencën e 4-të ndërkombëtare ndërfetare në të cilën do të nxirren në pah roli, përvoja dhe kontributi i Kosovës dhe rajonit të Ballkanit në debatin global mbi promovimin e dialogut ndërfetar dhe luftën kundër ekstremizmit të dhunshëm.
Konferenca e sivjetme e nivelit të lartë do të përfshijë prezantimet dhe fjalimet kryesore nga liderë botërorë fetarë, ministra dhe zyrtarë të lartë qeveritarë, ndërmarrës, përfaqësues ndërkombëtarë, si dhe pjesëtarë të shoqërisë civile me synim që të lëvizet nga debati publik drejt krijimit të mjeteve që do t’u shërbejnë brezave të rinj të aktivistëve socialë.
Presidentja Jahjaga, tha se i vjen mirë që Kosova është nikoqire e dialogut, siç tha “për të gjetur mënyra se si rrjetet sociale të bëhen përçues të dijes e tolerancës dhe bartës të ndryshimit”.
Vlerësime për këtë konferencë kanë dhënë dhe zyrtarë të tjerë të lartë kosovarë, si dhe zëra të njohur ndërkombëtarë. /tesheshi.com/
