Në 11-vjetorin e Pavarësisë së Kosovës, Deklarata e Pavarësisë, një dokument me vlerë historike, nisi rrugën drejt shtatë qyteteve kryesore të Kosovës për t’u vendosur në sheshe pubike nën atmosferën e festimeve.
“Sot jemi këtu duke e nisur Deklaratën e Pavarësisë në 7 qendrat kryesore të Kosovës, Siç e kemi thënë edhe gjatë prononcimeve tona të mëhershme, kjo deklaratë do të qëndrojë në qendrat kryesore të qyteteve të Kosovës deri të hënën në mbrëmje, ku qytetarët do të kenë mundësi të shohin për së afërmi dhe të bëjnë ndonjë foto”, tha Drejtori i protokollit të shtetit, Orhan Hajrizi.
Ndërkohë në Prishtinë, ajo u vendos në sheshin “Nënë Tereza”. /tesheshi.com/
