Një person është hedhur nga lartësi në lagjen “1 Maji” në qytetin e Korçës. Nga të dhënat e para mësohet se një burrë, rreth 65-vjeç, është hedhur nga shkallët e brendshme të një pallati.
Ende nuk dihen rrethanat e ngjarjes, ndërsa policia mësohet se ka shkuar menjëherë në vendin e ngjarjes, dhe ka bërë të mundur transportimin e tij për në spital.
“Më datë 25.09.2017, jemi njoftuar se në lagjen nr 15 në Korçë, rruga “10 korriku” dyshohet se është hedhur nga shkallët e brendshme të pallatit nr 4, shtetasi P.N, rreth 65 vjeç.
Menjëherë në vendngjarje kanë shkuar shërbimet e Policisë dhe Ambulanca.
Shtetasi u transportua për mjekim në Spitalin e Korçës, ku ndodhet në gjendje të rëndë shëndetësore.
Grupi hetimor në vendngjarje po punon për zbardhjen e rrethanave të ngjarjes”, thuhet në njoftimin paraprak të policisë. /tesheshi.com/
