Katër futbollistët shqiptarë, që janë të rritur dhe luajnë për skuadra të superligës zvicerane, kanë marrë së fundmi nënshtetësinë shqiptare dhe janë pajisur me pasaporta të Shqipërisë, duke fituar kështu të drejtën të luajnë për kombëtaren kuqezi.
Tre vëllezërit Arlind, Albian dhe Adonis Ajeti, ashtu si dhe Berat Xhimshiti, janë dekretuar me dhënien e nënshtetësisë shqiptare nga Presidenti i Shqipërisë, Bujar Nishani.
Përforcimi i kombëtares shqiptare edhe me këta futbollistë çon mbi 10-të numrin e futbollistëve shqiptarë, të cilët janë rritur apo dhe luajnë në superligën zvicerane. Pjesëmarrja e këtyre futbollistëve ka ndikuar shumë pozitivisht edhe në rezultatet, që kombëtarja e Shqipërisë ka arritur kohëve të fundit.
Të tre vëllezërit Ajeti, me origjinë nga Prishtina, luajnë për ekipin kampion të Zvicrës, FC Basel; ndërsa futbollisti me prejardhje nga Lugina e Bujanovcit, i lindur në Zvicër, Berat Xhimishti, luan për ekipin e parë të FC Zurich-ut.
