Një kirurg mysliman, i cili u godit me thikë ndërsa po ecte drejt xhamisë ku ai falej, ka thënë se ai e ka falur sulmuesin e tij.
Nasser Kurdy u godit me thikë në qafë dhe pësoi një plagë prej tre centimetra ndërsa po ecte drejt qendrës Islame të Altrincham në Cheshire. Ai u dërgua në spital afër vendit ku punon si kirurg, për ta trajtuar plagën.
Për ironi të fatit, Nasser operoi të lënduarit e sulmit terrorist në një arenë për koncerte në Manchester.
“Zoti tregoi mëshirë mbi mua. Mund të ishte një nerv, arterie, venë, apo kapërcalli. Qafa është lidhja kryesore mes trupit dhe kokës, por për fat të mirë u prekën vetëm muskujt.
Ndjeva dhimbje dhe goditje në qafë. U ktheva dhe e pashë këtë zotëri në një pozitë kërcënuese. U ndjeva i kërcënuar, dhe u ndjeva i pafuqishëm”.
Nasser tha se ai e ka falur krejtësisht sulmuesin e tij:
“Ai nuk është përfaqësues i këtij vendi. Unë nuk ndjej absolutisht asnjë zemërim, urrejtje apo ndonjë gjë negative ndaj tij. Unë e kam deklaruar këtë, e kam falur plotësisht atë. “
Ai thotë se duhet të bërë të ditur se krimet anti-myslimane janë në rritje dhe se po bëhen përherë e më shumë fizike.
“Nuk bëhet fjalë vetëm një fjalë goje, ose një tërheqje e shamisë; tani ata po e ndërmarrin edhe sulme fizike, dhe mendoj se kjo është ajo që ka filluar t’i bëjë njerëzit të ndihen të shqetësuar dhe të frikësuar. Ka akte shumë të pakuptimta të çmendurisë që po ndodhin, të cilat vetëm mund të ushqejnë zemërimin dhe urrejtjen.”
Ndërsa Dr. Khalid Anis, zëdhënës i Shoqatës Altrincham & Hale Muslim, tha:
“Ka mund të ketë qenë shumë, shumë serioze … ne e kuptojmë se ishte një thikë, ai është shumë me fat”.
“Fakti që ata sulmuan një konsulent ortopedik i cili e përkushtoi jetën e tij për të ndihmuar të tjerët është me të vërtetë mjaft shqetësuese”. /tesheshi.com/
