Duket se festivali i famshëm i Kanës po bëhet dhe një arenë e “konfrontimit politik” për shkak të fenomentit “Trump”.
Pas George Clooney, që një ditë më parë bëri thirrje që Tramp nuk duhet ta mbërrijë Shtëpinë e Bardhë, e pasoi atë producenti dhe skenaristi i njohur britaniko-indian, njëherësh fitues i çmimit Oskar, Asif Kapadia, i njohur për filmin “Amy”.
“Bojkotojeni Donald Trampin!”, ka bërë apel të premten në Kanë, duke shtuar se “Po të ishte ai President, nuk do të më lejohej hyrja në SHBA. Madje nuk do t’i lejohej hyrja as kryebashkiakut të Londrës, Sadiq Khan”.
Në vitin 2011, Kapadia i tha The Guardian se edukimi i tij si mysliman kishte ndikuar shumë në formimin e tij si producent filmi.
“Në filmat e mi, shpesh bie në sy ai dimensioni shpirtëror, i cili vie nga edukimi im si mysliman, dhe jam shumë i lumtur ta trajtojë këtë element në kinema” i tha i prestigjozes britanike.
Komentet e Kapadias erdhën një ditë pasi George Clooney duke komentuar për kandidatin republikan për kreun e Shtëpisë së Bardhë, tha se “Trump nuk do të jetë kurrë President i SHBA’’. /tesheshi.com/
