Çdo person i shëndetshëm, i rritur, duhet të pijë rreth 8-10 gota (1 gotë = 2 dl) ujë në ditë. Në rast se jeni fizikisht aktiv, kjo sasi duhet shtuar nga një në tre gota për çdo orë të aktivitetit.
Nëse nuk preferoni ujin e zakonshëm, qumështi dhe lëngjet e frutave të shtrydhura, të freskëta janë një mundësi e shkëlqyer, sepse ato krahas ujit do të sigurojnë ushqyes të tjerë në trup, të cilat gjithashtu humbasin përmes djersitjes së trupit.
Nëse jeni mbi 65 vjeç, mos u mbështetni vetëm në ndjenjën e etjes, sepse organizmi juaj ka të ngjarë të ketë një efekt të reduktuar të termoregulimit. Prandaj, njerëzit e moshuar duhet të pinë “me dhunë”. Megjithatë, disa pije duhet të shmangen gjatë temperaturave të larta. Pijet me kafeinë veprojnë si diuretikë, duke shkaktuar humbje shtesë të lëngjeve, kështu që ato duhet të kufizohen ose të plotësohen me sasi shtesë të ujit.
Përveç ujit dhe pijeve të tjera, ka ushqime të caktuara të pasura me ujë, dhe mund të jenë aleati juaj i shkëlqyer në hidratim. Llojet e ndryshme të frutave dhe perimeve përmbajnë përqindje të ndryshme të ujit:
1. Marule 95 %
2. Shalqini 92 %
3. Brokoli 91 %
4. Grejpfrut 91 %
5. Karrota 87 %
6. Molla 84 %
7. Domatja 71 %
8. Tuna (e konzervuar, bez vaj) 70 %
9. Orizi (i zier) 69 %
10. Makaronat (e ziera) 66 %
/tesheshi.com/
