Presidenti Nishani refuzoi një kërkesë të kryeministrit Rama që në Këshillin e Sigurisë Kombëtare të përfaqësohej nga zëvendësi i tij, Niko Peleshi. Arsyeja e kësaj përplasjeje të re mes presidentit dhe kryeministrit, është bërë mbledhja e Këshillit të Sigurisë Kombëtare ku Edi Rama nuk do të marrë pjesë, për shkak të një vizite në Kosovë.
Por, përpara se të nisej për në Prishtinë, Ëngjëll Agaci, sekretari i Përgjithshëm i Kryeministrisë i ka kërkuar Presidentit që Rama të zëvëndësohej në këtë mbledhje nga zv/kryeministri Niko Peleshi, por përgjigjja nga homologu i tij i Presidencës, Olsi Lafe ka qënë negative.
Duket se presidenti Nishani ka refuzuar zëvëndësimin e Ramës me Peleshin, pasi e vlerëson praninë e Ramës si vërtet të rëndësishme.
Kryeministri thjesht ka autorizuar zëvendësin e tij dhe nuk ka paraqitur asnjë arsye objektive mbi bazën e të cilave presidenti të pranonte zëvendësimin. Edhe në mbledhjen e fundit të Këshillit të Sigurisë Kombëtare, të thirrur për situatën e kultivimit të drogës në vend, kryeministri Edi Rama nuk ka qenë i pranishëm. /tesheshi.com/
