Këshilli i Prindërve: Testi i Maturës i parregullt, të shqetësuar për fëmijët

Në një komunikatë të lëshuar për media Këshilli i Prindërve të Kosovës është i brengosur me ecurinë e organizimit, mbajtjes dhe administrimit të Testit të Maturës në Kosovë.
Kjo për faktin se as këtë vit nuk u arrit të kemi një organizim të mirëfilltë dhe të rregullt dhe korrekt ,përkundrazi parregullsitë vazhdojnë të jenë evidente dhe krijohet përshtypja se Testi i Maturës po cilësohet vetëm si një formalitet që duhet kryer për ta përmbushë obligimin ligjor, thekson këshilli i prindërve.
Sipas këtij këshilli seriozitetin e këtij Testi (Jo pak të rëndësishëm) edhe më tepër këtë vit e ka zbehë paralajmërimi i Drejtuesve të MASHT-it, për ndryshimin e ligjit i cili parasheh  eliminimin e  pragut të kalueshmërisë për çka Këshilli i Prindërve kërkon debat më të gjerë dhe maturi dhe profesionalizëm të lartë në mënyrë që ky ligj mos të dëmtoi procesin dhe mos të ndikoi në cilësinë e përgjithshme në arsim përkundër përpjekjeve  që po bëhen për rritjen e cilësisë .
Ndërsa sa i përket organizimit të fundit dhe paralajmërimit të SBASHK-ut për ndëshkimin e fajtorëve në gjithë këtë situatë, Këshilli i Prindërve mbështetë Këshillin Qendror Shtetëror të Maturës në paralajmërimin e ushtrimit të ndëshkimeve për aktorët kryesor të cilët lejuan që një gjë e tillë të ndodhë , por është kundër paralajmërimit për ndëshkimin e nxënësve në tërë këtë proces sepse në këtë rast faji kryesor bie mbi Organizatorët dhe Administratorët, thuhet në deklaratën e këshillit të Prindërve.
Këshilli i Prindërve mendon se të gjithë ata nxënës të cilët janë zënë se kanë manipuluar me testet të ju anulohet testi i qershorit dhe të njëjtit të i nënshtrohen testit në afatin e radhës i cili parashihet të mbahet në muajin gusht e kurrësesi  kjo ndalesë të bëhet për një vit siç kanë paralajmëruar KQSHM-ja.
Po ashtu nëpërmes kësaj komunikate ftoi të gjithë prindërit që çështjen e Testit të Maturës ta marrin më seriozisht dhe të punojnë më tepër me fëmijët e tyre në mënyrë që nga ky test me të vërtetë të kuptojnë përgatitjen e fëmijëve të tyre e jo ta gënjejmë vetveten, përfundon komunikata e lëshuar nga Këshilli i Prindërve të Kosovës./tesheshi.com/