Pierre Moscovici, Komisioneri i BE-së për çështjet ekonomike ka përdorur ironinë ndaj qeverisë së Athinës në lidhje me marrëveshjen për borxhin.
“Më pëlqejnë shumë tragjeditë greke, por mendoj se ne tani të shkojmë drejt një fundi të lumtur, deklaroi Moscovici, i cituar nga ATSH, ndërkohë që bisedimet mes Athinës dhe kreditorëve të saj po përpiqen të ecin përpara.
Greqia dhe interlokutorët e saj më të mëdhenj rifilluan dialogun në Bruksel për të intensifikuar përpjekjet për arritjen e një marrëveshjeje.
Kryeministri grek, Aleksis TSipras u takua me homologët e tij gjerman dhe francez, Anglea Merkel dhe François Hollande, në ndërkohë që sot do të takohet me presidentin e Komisionit Evropian, Jean-Claude Juncker.
“Bisediemt kanë përparuar gjatë javëve të kaluara. Jemi pranë një marrëveshjeje”, tha Moscovici për radion RTL.
“Nëse ka vullnet politik ne do të ecim përpara”, theksoi ai.
