Presidenti Meta ofroi tjetër shpërthim me temë “hapjen 100 përqind të listave”, në një tentativë të dukshme për të marrë flamurin e kësaj kauze politike të diktuar nga sentimente shoqërore, por që u kap fillimisht nga PS.
Si opozita e si kreu i shtetit, qartazi krah opozitës, aludojnë se varianti mazhorancës për hapje listash ka hile.
“Çdo manovër mashtruese që u heq të drejtën qytetarëve të zgjedhin vetë edhe deputetët, siç ju premtua, vetëm me qëllimin për të prishur në mënyrë të njëanshme Marrëveshjen e 5 Qershorit, do të ndëshkohet fort nga të gjithë qytetarët që prej 12 vitesh kërkojnë deputetë e jo kukulla kryetarësh.
Mos kini frikë nga hapja e listave!
HAPNI LISTAT OSE LARGOHUNI!”, shkruan njeriu në Presidencë, ku fraza e fundit të kujton slloganin e PS-së në opozitë fill pas zgjedhjeve të 2009 – “Hap kutitë ose largohu!”.
Sipas Ramës, thënë ironikisht, shpërthimet e Metës janë të varura nga “pozicioni i hënës”. /tesheshi.com/
