Ekuadori do të marrë pjesë në Kupën e Botës 2022 në Katar pasi shoqata botërore e futbollit FIFA refuzoi apelin e Kilit në lidhje me rastin e lojtarit ekuadorian Byron Castillo, njoftoi të premten organi qeverisës i futbollit, raporton Reuters.
Katër muaj më parë, Kili akuzoi Ekuadorin për falsifikimin e certifikatës së lindjes së Castillo-s dhe kërkoi që Ekuadori të përjashtohej nga Kupa e Botës.
Pas një hetimi në qershor, FIFA njoftoi se nuk gjeti parregullsi dhe konfirmoi se Ekuadori do të luajë në Kupën e Botës në Katar.
Megjithatë, Kili e apeloi vendimin dhe FIFA tani ka vendosur sërish në favor të Ekuadorit.
“Mes konsideratave të tjera, u konsiderua se në bazë të dokumenteve të paraqitura, lojtari konsiderohet të ketë shtetësi të përhershme ekuadoriane”, thuhet në një deklaratë të FIFA-s.
Ekuadori do të luajë në Grupin A të Kupës së Botës së bashku me Katarin, Senegalin dhe Holandën.
Turneu në shtetin e Gjirit do të luhet nga 20 nëntori deri më 18 dhjetor. /tesheshi.com/
