Shkrimtari i njohur Ismail Kadare, gjatë një vizite në qytetin e Pogradecit nën shoqërinë e botuesit të tij, Bujar Hudhri, është ndalur edhe në shtatoren e Lazgush Poradecit si dhe të Mitrush Kutelit duke nderuar kështu dy figura të rëndësishme të letërsisë shqipe.
Kadare ka vendosur një tufë lulesh në këmbët e Lasgushit duke “përshëndetur” poetin e madh në qytetin e tij të lindjes. Po kështu, një tufë lulesh janë vendosur nga shkrimtari edhe në monumentin e Mitrush Kutelit.
Shtëpia e tij botuese e përcjell këtë moment me fjalët: “Kadare nderon Lasgush Poradecin dhe Mitrush Kutelin”. Pogradec, e shtunë 30 prill.
Këto ditë Ismail Kadare ndodhet në Tiranë, por ende nuk ka një lajm për librin apo aktivitetin e radhës së shkrimtarit. /tesheshi.com/
